Mō tēnei pae
Mō te pae tukutuku Get Ready, ngā mōhiohio mana tārua, raihana hoki.
Kei tēnei whārangi
Te pae tukutuku Get Ready
Kei te whakahaeretia te pae tukutuku Get Ready e Te Rākau Whakamarumaru(external link).
Ka tukuna e Te Rākau Whakamarumaru te ārahitanga mō te whakaheke mōrearea, mō te takatū, mō te urupare ki ngā ohotata, mō te whakarauora ā muri i ngā ohotata. Kei te whakahaerehia e ia ngā mahi urupare, whakarauora hoki a te kāwanatanga ā-motu mō ngā ohotata ā-motu, ā, kei te tautokona te whakahaerenga o ngā ohotata ā-rohe, ā-takiwā hoki.
Ko Te Rākau Whakamarumaru ko tētahi pokapū manatū motuhake e manaakitia ana e Te Tari o te Pirimia me Te Rūnanga Matua(external link).
Mana tārua me te raihana
Kei te whakahaumarutia ngā kōrero mana tārua ki te pae tukutuku Get Ready e te mana tārua e pupuritia ana e Te Rākau Whakamarumaru mō te Karauna. Ki te kore e tohua kētia mō ngā mea motuhake, mō ngā kohinga o te ihirangi (kei raro, kei roto rānei i ngā mea, i ngā kohinga e tautuhia ana rānei), kua raihanatia tēnei kōrero mana tārua mō te whakamahi anō ki raro i te Creative Commons Attribution 4.0 International licence. Ko te ngako, e wātea ana koe ki te tārua, te tuku, te whakarerekē rānei i ngā kōrero, mēnā ka tohua ki Te Rākau Whakamarumaru, ā, mēnā hoki ka whai koe i ērā atu ture raihana. Me mōhio kāore tēnei raihana i te hāngai ki ngā waitohu, ki ngā tohu, ki ngā moko pakihi ki te pae tukutuku, ki ngā āhuatanga hoahoa o te pae tukutuku rānei. Kāore i te whakaaetia kia whakamahia anō ēnei mea tautuhi karekau te whakaaetanga ā-kupu.
Kia māmā ai, mō ngā take whakamōhiohio anake, ka tukuna e tēnei pae tukutuku ngā hononga ki ētahi atu pae tukutuku. Kei ērā atu pae tukutuku pea ngā mōhiohio nō ētahi atu te mana tārua, ā, e hāngai ana ki ngā here mō te whakamahi anō. Me whiwhi whakaaetanga hei whakamahi i ngā kōrero kua mana tāruatia mai i ērā atu pae tukutuku i te kaipupuri mana tārua, ā, tē taea te whiwhi mai i Te Rākau Whakamarumaru.
Kia tiro atu ki tētahi tārua o te Creative Commons Attribution 4.0 International licence torohia https://creativecommons.org/licenses/by/4.0/(external link)
Tā mātou whakamahi pihikete
Kei te whakamahia e te pae tukutuku Get Ready “ngā pihikete” hei kohi mōhiohio mō ō ritenga tirotiro, hei āwhina i a mātou ki te tuku i tētahi wheako pai ake, me te tuku i ngā pānui whakatairanga hāngai mō te takatū ohotata. Ko ngā pihikete ko ngā kōnae kuputuhi māmā ka whakatakotoria ki tō rorohiko, hei kohi i ngā mōhiohio rangitaki ipurangi arowhānui, i ngā mōhiohio whanonga manuhiri hoki ki tētahi puka muna.
Ka kohia e ngā whakahaere o hunga kē, tae atu ki a Google me Facebook, ētahi mōhiohio ina toro koe ki te Pae Tukutuku a Get Ready, kia mārama e pēhea ana te mahi a te pae tukutuku, kia whakaatu hoki i ā mātou pānui whakatairanga ina toro atu koe ki ētahi atu pae tukutuku.
Te mono, te whakahohe rānei i ngā pihikete
Ka taea e koe te whakaae, te whakakore rānei i ngā pihikete mā te panoni i ngā tautuhinga ki tō pūtirotiro. Ko te mono i ngā pihikete, kāore e pā ki tō āheinga ki te whakamahi i ā mātou pae tukutuku.
Ki te hiahia koe ki te whakahohe, te mono rānei i ngā pihikete, kei tō pūtirotiro ka taea tēnei e koe ki:
- Google Chrome > Settings > Privacy and security > Site settings > Cookies and site data
- Mozilla Firefox > Options > Privacy & Security > Cookies and Site Data
- Safari > Settings > Safari > PRIVACY & SECURITY
- Internet Explorer > Tools > Internet Options > Privacy > Advanced Privacy Settings > Cookies
Whakahoki kōrero
Ki te hiahia koe ki te tākupu ki tēnei pae tukutuku, ki ngā mōhiohio o roto, tukuna mai he īmēra ki a mātou ki communicationsnema@nema.govt.nz
