Me rapu mōhiohio
He mea nui kia mōhio ki ngā tini ara ka taea te rapu mōhiohio hei te wā o te ohotata.
Kei tēnei whārangi
Reo irirangi
Ki te weto te hiko, ka taea e tētahi reo irirangi e whakahikongia ana e te hiko kōmaru, e te pāteri rānei (te reo irirangi ki tō waka rānei) te āwhina i a koe kia whai mōhio tonu ki ngā rongo kōrero tino hou. Hei te wā o te ohotata, whakarongo ki ēnei teihana:
- Te Reo Irirangi o Aotearoa(external link)
- The Hits (external link)
- NewstalkZB (external link)
- MoreFM(external link)
Uia tō Rōpū Whakahaere o Te Rākau Whakamarumaru kia whai mōhio ki ngā teihana ā-rohe e tautuhia ana e rātou hei whakarongotanga māu hei te wā o te ohotata.
Matohi Waea Pūkoro Ohotata
Ko te Matohi Waea Pūkoro Ohotata tētahi ara kia whiwhi mōhiohio mō ngā ohotata ki tō rohe. Mēnā e mōrearea ana tō oranga, tō hauora, tō kāinga rānei, ka tukuna pea ngā Matohi Waea Pūkoro Ohotata ki tō waea pūkoro. Ehara i te mea me uru atu koe, me tikiake rānei i tētahi taupānga.
AKOHIA E PĀ ANA KI TE MATOHI WAEA PŪKORO OHOTATA
Tuihono
Mō ngā whakamārama paetata, tirohia te paetukutuku a tō kaunihera me te pāpāho pāpori. Te pae tukutuku, te pāpāho pāpori a tō Rōpū Whakahaere o Te Rākau Whakamarumaru anō hoki.
Ka wātea mai ngā whakahou ā-motu ki te pae tukutuku a Te Rākau Whakamarumaru(external link).
Rapua ngā whakahou ohotata, aituā hoki mai i Te Rākau Whakamarumaru. Mō ngā kupu āwhina mō te whakarite mō ngā aituā whāia te hongere Twitter a @NZGetReady.
Rapua ngā mōhiohio ohotata ōkawa, ngā kupu āwhina hoki mō te āhua o te takatū pai ake mō ngā aituā ki Aotearoa. Rapua me pēhea te takatū mō te ohotata, te eke i te wā o te pānga mai, te whakaora tere hoki, ā, matapakitia hoki.
Rapua tō Rōpū Whakahaere o Te Rākau Whakamarumaru (CDEM).
Rapua ētahi atu mōhiohio mō Te Rākau Whakamarumaru.
Whakawhanaunga ki ō kiritata
Me whakawhanaunga koe ki ō kiritata. Hei te ohotata, ka taea e koutou te āwhina tētahi i tētahi i te wā e pukumahi ana a Te Rākau Whakamarumaru, ngā ratonga ohotata hoki ki te āwhina i ngā tāngata e tino hiahia ana ki a rātou.
Whakauru atu ki tō hapori, me te whakawhanaunga ki ō kiritata ā mua i te pānga o tētahi ohotata.
Whakaritea tō kāinga
Kei a koe anō te whakarite kia mōhio tō whānau rātou ko ngā tāngata e kaingākautia ana e koe me aha rātou.
