Me rite tō hapori mō te ohotata
Āwhinatia ō hoa koutou ko tō whānau ko tō hapori kia takatū mō ngā ohotata.
Kei tēnei whārangi
Me whakawhanaunga koe ki ō kiritata
Mēnā kua whai hononga pakari koe ki ō kiritata, he nui ake te tūpono ka tiaki tētahi i tētahi, inarā i te wā o tētahi ohotata, ā muri hoki, pērā i te āwhā, i te rū whenua rahi.
Whitiwhitia ngā taipitopito whakapā kia taea te tūhono tētahi ki tētahi hei te ohotata.
Whakamōhiotia rātou mō tō mahere ohotata, ā, uia rātou mō ā rātou mahere.
Kia whai mōhio ko wai ka taea te āwhina i a koe, ā, ko wai ka hiahia pea ki tō āwhina.
Uru atu ki tētahi Neighbourhood Support
Uru atu ki tētahi Neighbourhood Support Group, ka whakatū rānei i tētahi. Ka taea e koutou ko ō kiritata te tiritiri pūkenga, rauemi hoki hei āwhina i a koutou kia puta atu hei te ohotata. emergency.
Ko tā ngā Neighbourhood Support Group te whakapiri i ngā tāngata ki te hanga i ngā hapori he haumaru, he mea tautoko, he mea tūhono hoki.
Uru atu ki tētahi Neighbourhood Support ki te pae tukutuku a Neighbourhood Support, waea rānei ki 0800 463 444.
Me uru hei Kaihēteri Hapori
Me hono ki tētahi Hēteri Hapori. Me whakauru ki ngā hēteri hapori ka āwhina kia haumaru ake tō hapori.
Ka mahi tahi ngā hēteri hapori me Ngā Pirihimana o Aotearoa, ngā kaunihera me tō rātau hapori. Otirā i tētahi āhuatanga ohotata.
Ka whakarite, ka whakahaere ngā kaitūao hapori i Ngā Kaihēteri Hapori. Ka whakarato Ngā Kaihēteri Hapori i ngā hiahia o ō rātau hapori me te mahi me Ngā Pirihimana o Aotearoa me ngā kaunihera.
Hono ki tētahi Hēteri Hapori, me tīmata rānei i tētahi i tō hapori.
Whakatūria tētahi Rā Kiritata
Ka whakatūria te Neighbours’ Day Aotearoa i ia Māehe. Ka ākina ngā kiritata kia whakawhanaunga tētahi ki tētahi. Ehara i te raru mēnā he tangata takitahi koe, he rōpū, he whakahaere rānei. Mēnā rānei kei tō pae kiritata ngā whare, ngā whare ngātahi, ngā pakihi, tētahi atu momo rerekē rānei. Ka taea e koe te whakatū i tētahi huihuinga e āta whakaritea ana mō tō pae kiritata.
Whakatūria tētahi Rā Kiritata. Ka whakatūria te Neighbours’ Day ia Māehe. Ka ākina ngā kiritata kia whakawhanaunga tētahi ki tētahi. Ehara i te raru mēnā he tangata takitahi koe, he rōpū, he whakahaere rānei. Mēnā rānei kei tō pae kiritata ngā whare, ngā whare ngātahi, ngā pakihi, tētahi atu momo rerekē rānei. Ka taea e koe te whakatū i tētahi huihuinga e āta whakaritea ana mō tō pae kiritata.
Whakaritea he mahere ohotata ā-hapori
He mea āwhina pea tētahi mahere ohotata ā-hapori kia mārama ai tō hapori ka pēhea tā koutou āwhina tētahi i tētahi hei te ohotata. Ko te kōrero tahi ki ērā atu tāngata ki tō hapori ko tētahi o ngā ara tino pai hei whakarite mō ngā ohotata.
Kei tō hapori kē ētahi rōpū tāngata, ētahi kōtuitui rānei. Ko ēnei pea ko:
- Te Whakahaerenga Ohotata o Te Rākau Whakamarumaru
- Te Neighbourhood Support
- Ngā rōpū kaimahi tūao, whare karakia, hākinakina hoki
- Ngā kura
- Ngā marae
- Ngā whakahaere ratonga rānei.
Whakapā atu ki a rātou me te rapu mōhiohio mō ngā mahi e mahia ana e rātou. Hei te ohotata, ka āwhina pea rātou ki ngā rawa pūtaketake, ki te pāhekoheko i ngā mahi tautoko hoki.
Whakapā atu ki tō Rōpū Whakahaere o Te Rākau Whakamarumaru kia whai mōhio mēnā kua whakaritea kētia tētahi mahere ohotata ā-hapori mō tō rohe. Ka taea e rātou te mahi tahi ki a koe hei tautuhi i ngā whirikoka, i ngā rauemi, i ngā mōrearea, i ngā otinga hei āwhina i tō hapori kia puta atu i tētahi ohotata.
Rapua tō Rōpū Whakahaere o Te Rākau Whakamarumaru (CDEM).
Āwhinatia
Āwhina kia noho haumaru tō whānau rātou ko ō hoa ko tō hapori mā te uru atu ki te takatū ohotata.
