Te whakarite i tō whare kia haumaru akeTe whakarite i tō whare kia haumaru ake

E kore e taea te matapae i ngā aituā, engari ka taea te whakarite mō ērā. Ko tētahi o ngā wāhi tīmatanga tino pai ko tō kāinga. Whai mōhio he aha ka taea e koe kia haumaru ake tō kāinga.

Ka pēnei te whakahaumaru ake i tō kāinga

He mahi ka taea e koe hei āwhina ki te whakaheke i ngā panga o tētahi ohotata ki a koe, ki ō rawa hoki.

• Whakamahia ngā taiapa, ngā tarapu rānei hei whakamau i ngā taonga o te whare he teitei, he taumaha hoki ki ngā pou o ngā pakitara (wall studs).
• Whakanekea ngā mea taumaha, marore hoki ki ngā pae, ki ngā kāpata kei raro iho.
• Whakairia ngā pikitia, ngā whakaataata ki ngā hūka tika (kaua ki ngā nēra takitahi).
• Whakaritea kua mōhio koe ki te wāhi o ngā pana whakaweto ohotata, o ngā kati aukati ohotata mō te kapuni, mō te pūtake matua o te wai hoki.
• Arā ētahi timera pereki, raima hoki me te nui ake te mōrearea o te tanuku hei te rū whenua. Tirohia te pae tukutuku a Toka Tū Ake mō te roanga ake o te kōrero e pā ana ki te whakahaumaru ake i ngā timera.
• Mēnā he tūāpapa ā-papa tārewa kei tō kāinga, me hihira e pai ana te āhuatanga. Hihiratia te pai o ngā hononga kei waenganui i ngā tūāpapa, i te whare o runga hoki.

I te marama o Pēpuere i te tau 2021, i whakatinanatia ētahi panoni ki te Residential Tenancy Act o Aotearoa. Nā ēnei panoni i māmā ake mō te hunga rīhi ki te whakahaumaru i ō rātou kāinga mō te rū. Mēnā he kairīhi koe, ā, kei te hiahia koe ki te whakahaumaru i tō kāinga mō te rū, whakaritea kia kōrero koe ki tō kaituku rīhi, ki tō kaiwhakahaere whare i te tuatahi.

Hihiratia tō inihua

He mea tino nui kia whai inihua koutou mō te kāinga, mō ō koutou rawa o roto hoki, kia piki anō ki te taurikura mēnā ka pā mai te pakaru i te aituā. Ka mutu, kia whai koutou i te kirimana inihua kāinga tūmataiti e tae noa atu ana ki te inihua ahi (e pērā ana te nuinga), ka whai kau hoki i tā Toka Tū Ake ratonga inihua a NHCover (ko EQCover te ingoa i mua).

He mea nui kia auau tō arotake i tō inihua. Ko ētahi mea matua me hihira ko ēnei:

• He aha ka kapi i tō kaupapa here inihua, tae atu hoki ki ngā mea kāore e kapi ana.
• Mēnā he rawaka tō kapi inihua kia hanga anō i tō kāinga, kia whakakapi i ō mea marihi ā muri i tētahi ohotata.

Ki te pā atu te pakaru i tētahi matepā māori, me maumahara kia kapo i ngā tini whakaahua. Kātahi ka whakapā atu ki tō kaituku inihua tūmataiti hei tuku kerēme. Mā rātou tō kerēme katoa e arotake, e whakariterite, e whakatau hoki, hei māngai mō Toka Tū Ake, tae noa atu ki te wāhanga NHCover.