He āhuatanga waiwai te whakamātau ā-motu i te pūnaha Matohi Waea Pūkoro Ohotata o te whakarite e pai ana te mahi a te pūnaha. Rapua ngā hua, te mōhiohio hoki mō ngā whakamātau ā-motu.

Te take ka whakamātau mātau i te Matohi Waea Pūkoro Ohotata

He wāhanga hira te whakamātau ā-motu mō te whakarite he pai te mahi a te pūnaha Matohi Waea Pūkoro Ohotata.

Ka tukuna te whakamātau ā-motu ki ngā pourewa waea pūkoro puta noa i Aotearoa. Ki ō mātau whakaaro ka taea e te nuinga o ngā waea te whiwhi i te matohi.

I ngā tau e ono kua hipa, e hia ngā mano tāpaetanga kōrero i whiwhi mātau mai i ngā tāngata. He mea āwhina tēnei i a mātau ki te whakapai ake i te pūnaha Matohi Waea Pūkoro Ohotata.

Ko te whakamātautau ā-motu o nā noa nei i tū i te ahiahi i te 28 o Mei 2023. Nā te mate urutā KOWHEORI-19, i whakakorehia ngā whakamātautau ā-motu o te pūnaha Matohi Pūkoro Ohotata i te tau 2020 me te 2021. 

Ko e laini matutaki ki Fafo
Phone receiving an Emergency Mobile Alert

Ohaurutia kia whiwhi i ngā īmēra mō ngā whakamātau ā-motu e haere ake nei o ngā Matohi Waea Pūkoro Ohotata. Ka whiwhi koe i tētahi īmēra ina whakatauria te rā mō te whakamātau.

Ngā otinga uiui motuhake o te whakamātau ā-motu

I muri i ngā whakamātautau ā-motu o te tau 2018 me te 2019, i whakahautia e Te Rākau Whakamarumaru me Te Whakahaere Ohotata tētahi rangahau motuhake.

I tirotiro ngā rangahau ki:

  • te ōwehenga o te taupori i whiwhi i te matohi whakamātautau,
  • ngā mōhio i mua, me
  • ngā tirohanga iwi whānui.

I muri i te whakamātautau i te tau 2021 me te 2022, i whakaurua e NEMA ētahi pātai i roto i te rangahau Takatū mō te Aituā hei ine i te angitu o te whakamātautau Matohi Pūkoro Ohotata. 

Mai i te rangahau 2018, i pai ake ngā whakaritenga hira katoa. I te tau 2022, i hopukia e te rangahau:

  • Te tino maha rawa atu o ngā matohi i whiwhi (83%).
  • O te 12% kāore i whiwhi i te whakamātautau, e 27% o rātau i te taha o tētahi i whiwhi i te whakamātautau.

I whakaatu te Rangahau Takatū mō te Aituā ā-Tau 2021 tokoiwa ngā tāngata mai i te tekau i whiwhi matohi, i te taha rānei o tētahi i whiwhi i tētahi matohi.

I te tau 2019 i whakaatu te rangahau:

  • I te mōhio he 75% mō te pūnaha Matohi Pūkoro Ohotata i mua i te whakamātautau.
  • 80% i whakapono he tikanga whaitake te Matohi Pūkoro Ohotata mō te whakamōhio i te iwi o Aotearoa mō tētahi ohotata.
  • 82% ngā tāngata i whakapono kia kaua e āhei te tangata ki te makere i te whiwhi i tēnei.
Document

Kitea ngā putanga uiui mai i ngā whakamātau ā-motu i te tau 2018, i te tau 2019 hoki mō te Matohi Waea Pūkoro Ohotata ki te reo Pākehā.

Matohi Waea Pūkoro Ohotata

Rapua ētahi atu mōhiohio e pā ana ki te Matohi Waea Pūkoro Ohotata. Mā ngā Matohi Waea Pūkoro Ohotata e haumaru ai te hunga. Ka pāhotia ngā matohi ki ngā waea e āhei ana mai i ētahi pourewa waea pūkoro.