Whakamātau ā-motu o te Matohi Waea Pūkoro Ohotata

He āhuatanga waiwai te whakamātau ā-motu i te pūnaha Matohi Waea Pūkoro Ohotata o te whakarite e pai ana te mahi a te pūnaha. Rapua ngā hua, te mōhiohio hoki mō ngā whakamātau ā-motu.

Te take ka whakamātau mātau i te Matohi Waea Pūkoro Ohotata

He wāhanga hira te whakamātau ā-motu mō te whakarite he pai te mahi a te pūnaha Matohi Waea Pūkoro Ohotata.

Ka tukuna te whakamātau ā-motu ki ngā pourewa waea pūkoro puta noa i Aotearoa. Ki ō mātau whakaaro ka taea e te nuinga o ngā waea te whiwhi i te matohi. I whakaatu tā mātou patapatai takatū ohotata o te tau 2025, 92% ōrau ngā tāngata i whiwhi i te whakamātautau, i te taha rānei o tētahi i whiwhi. 

I ngā tau e ono kua hipa, e hia ngā mano tāpaetanga kōrero i whiwhi mātau mai i ngā tāngata. He mea āwhina tēnei i a mātau ki te whakapai ake i te pūnaha Matohi Waea Pūkoro Ohotata.

Ko te whakamātautau ā-motu o nā noa nei i tū i te ahiahi i te 25 o Mei 2025. Nā te mate urutā KOWHEORI-19, i whakakorehia ngā whakamātautau ā-motu o te pūnaha Matohi Pūkoro Ohotata i te tau 2020 me te 2021. 

Ngā otinga uiui motuhake o te whakamātau ā-motu

I muri i ngā whakamātautau ā-motu o te tau 2018 me te 2019, i whakahautia e Te Rākau Whakamarumaru me Te Whakahaere Ohotata tētahi rangahau motuhake.

I tirotiro ngā rangahau ki:

• te ōwehenga o te taupori i whiwhi i te matohi whakamātautau,
• ngā mōhio i mua, me
• ngā tirohanga iwi whānui.

I muri i te whakamātautau i te tau 2021 me te 2022, i whakaurua e NEMA ētahi pātai i roto i te rangahau Takatū mō te Aituā hei ine i te angitu o te whakamātautau Matohi Pūkoro Ohotata. 

Mai i te rangahau 2018, i pai ake ngā whakaritenga hira katoa. Tokoiwa ngā tāngata mai i te tekau i whiwhi i tētahi matohi, i te taha rānei o tētahi i whiwhi

I te tau 2025 i whakaatu te rangahau:

• 81% i whakapono he tikanga whaitake te Matohi Pūkoro Ohotata mō te whakamōhio i te iwi o Aotearoa mō tētahi ohotata.
• 81% ngā tāngata i whakapono kia kaua e āhei te tangata ki te makere i te whiwhi i tēnei.