Mēnā he turi koe, he uaua te rongo rānei
Mēnā he turi koe, he uaua te rongo rānei, whakamaheretia ka pēhea te pā a tētahi ohotata ki a koe. Rapu kupu āwhina, kiriata hoki ki Te Reo Rotarota o Aotearoa.
Whakaritea kia whai ara koe ki te rapu whakatūpato, mōhiohio, kupu āwhina hoki hei te ohotata
- Ka pāhotia e ngā teihana reo irirangi, pouaka whakaata hoki ngā mōhiohio, ngā kupu āwhina hoki a Te Rākau Whakamarumaru. Tonoa tō kōtuitui tautoko whaiaro kia whakamōhio i a koe mō ngā whakatūpato, ā, kia whakamōhio tonu i a koe. Whakapā atu ki tō Rōpū Whakahaere o Te Rākau Whakamarumaru, ki tō kaunihera rānei kia whai mōhio ki ngā pūnaha whakatūpato kei tō hapori.
- Hoatu ki tētahi kiritata, ki tētahi tangata i tō kōtuitui tautoko rānei tētahi kī ki tō whare kia taea e ia te whakamataara i a koe.
- Whakatūngia tētahi pūnaha whakatūpato e tika ana ki ō matea. Hei tauira, ko tētahi pūoho whai rama kamokamo e kōhikohiko ana hei whakamataara i a koe. Whakakapia ngā pāteri ia 12 marama.
- Whakatakotoria tētahi pukapuka tuhi, ētahi pene rākau, tētahi rama whai pāteri hoki ki tō pēke nanao kia taea e koe te whakawhiti kōrero ki ētahi atu.
Rapua tō Rōpū Whakahaere o Te Rākau Whakamarumaru (CDEM).
E wātea ana ētahi ratonga kei a Tāngata Turi mō ngā tāngata Turi, he uaua te rongo rānei.
Ngā kiriata Reo Rotarota o Aotearoa
Mātakitakihia ēnei kiriata Reo Rotarota o Aotearoa mō ngā matepā me ngā ohotata ki Aotearoa.
He tohutohu mō te hunga hauā
Mehemea e pāngia ana koe e tētahi hauātanga, kei a koe rānei ētahi here ka nui ake tō noho mōrearea i te wā o te ohotata, rapua he tohutohu hei whakarite i a koe.
