Ngā kurī tautoko hauātanga
Ko ngā Kurī Tautoko Hauātanga ko tō haepapatanga. Me whakauru koe i a rātou ki tō whakamahere ohotata, ki tō whakariterite ohotata.
Ngā kurī tautoko hauātanga
Mēnā he kurī tautoko tāu, pērā i tētahi kurī ārahi, whakamanatia ki tētahi whakahaere whaimana, pērā i Blind Low Vision NZ.
Whiwhi i tētahi tūtohu tautuhi Disability Assist Dog. He tūtohu ahurei tēnei ka mau i tētahi kurī whaimana kia māmā ai te tautuhi i te tūnga Disability Assist Dog. Whakaritea kia mau tō kurī i tana tūtohu tautuhi i ngā wā katoa. Ka tukuna e te tūtohu ki ngā kurī whakarato te āheinga ki ngā pokapū o Te Rākau Whakamarumaru hei te ohotata. He mea tautoko hoki kia tere te whakakotahi anō i a kōrua mēnā ka whakawehea kōrua ko tō kurī.
Whakaritea mō tō kurī. Me whai pēke nanao mō tō kurī kei roto he kai, ngā rongoā, ngā mauhanga rongoā ārai mate, ngā pepa tautuhi, ngā hānihi hoki.
Whakaritea e mōhio ana tō kurī ki ngā tāngata ki tō kōtuitui tautoko. Mā konei e māmā ake ai mā tō kurī te whakaae kia tiakina ia e tētahi atu i a koe.
He tohutohu mō te hunga hauā
Mehemea e pāngia ana koe e tētahi hauātanga, kei a koe rānei ētahi here ka nui ake tō noho mōrearea i te wā o te ohotata, rapua he tohutohu hei whakarite i a koe.
