Kāore e taea te hoki ki te kāinga

Hei te ohotata, kāore pea te ikiiki tūmatanui e whakahaeretia, ā, kua aukatia pea ngā huarahi, ngā pae kiritata.

Ki te kore koe e āhei ana te haere i tō ara noa ki te kāinga, ka pēhea koe e hoki atu ki reira? Ka haere koe ki te taha o wai? Hei hea koutou e tūtaki ai ki te rāhuitia tō tiriti?

Te wāhi hui tuarua

Whakaaetia tētahi wāhi hui ki te kore e taea te hoki ki te kāinga. He kura pea, he kāinga o tētahi hoa, ki te taha o te whānau rānei.

Kia ngātahi te haere

Ki te mahi koe atu i te kāinga, rapua ngā hoa mahi e noho ana ki tō rohe. Hei te ohotata ka taea e koutou te haere ngātahi.

Me whakakī tētahi pāhi kawe

Me whakarite tētahi pāhi kawe mō ngā tāngata katoa o tō whare. Me whai taua pēke i ngā kākahu mahana, i tētahi pounamu wai, i ngā paramanawa, i ngā tāruatanga o ngā puka hira, i te ID whakaahua. Kia maumahara ki ngā rongoā ka hiahiatia pea. Me noho mai tō kete whakaora, rama, waerehi me ngā pūhiko, ngā pūrere nekeneke me ētahi atu putunga waiwai ki tētahi wāhi ka taea ohoreretia.

Me whiriwhiri ngā putunga e hiahia ana koe.

Te tiki ki te kura

Tukuna ki tō kura, ki tō pokapū kōhungahunga tētahi rārangi o ngā tāngata e toru e whakaaetia ana ki te tiki i ngā tamariki ki te kore koe e āhei ana te tae atu ki reira.