Me whakatahi atu

Hei te ohotata, kāore pea ētahi whare, ētahi tiriti, ētahi pae kiritata e haumaru ana kia noho tonu, ā, me whitawhita pea tō wehe i tō kāinga.

Ki te whakatahia tō tiriti, ka haere koe ki hea? Ka kawe atu koe i te aha? Pēhea ngā āwhina mā ngā kararehe me ngā mōkai? He kiritata ōu ka hiahia pea i ō āwhina? E hia te tawhiti, te roa me te tere o tō haere me te kore e whakawhirinaki atu ki ngā āwhina a ētahi atu?

Me whakakī tētahi pāhi kawe

Me whakarite tētahi pāhi kawe mō ngā tāngata katoa o tō whare. Me whai taua pēke i ngā kākahu mahana, i tētahi pounamu wai, i ngā paramanawa, i ngā tāruatanga o ngā puka hira, i te ID whakaahua. Kia maumahara ki ngā rongoā ka hiahiatia pea. Me noho mai tō kete whakaora, rama, waerehi me ngā pūhiko, ngā pūrere nekeneke me ētahi atu putunga waiwai ki tētahi wāhi ka taea ohoreretia.

Me whiriwhiri ngā putunga e hiahia ana koe

Whakatau ka haere ki hea

Whakatauria ka haere koe ki hea (ā, whakaritea kua mōhio te katoa o tō kāinga ki tērā, kei kore koutou e noho tahi ana ā taua wā). Ko tō wāhi whakatahi pea ki te taha o ō hoa, o tō whānau rānei, nō reira whakaritea kua mōhio rātou ki ō mahere.

Hihiratia tō wāhi

Mēnā kei tētahi wāhi wātea i te wā ngaru taitoko koe e noho ana, me whakarite kei waho i taua wāhi tō wāhi whakatahi.

Me whiriwhiri ka pēhea tō whakatahi

Me hīkoi, oma, eke pahikara mēnā ka taea e koe. Otirā mēnā he tainiwhaniwha. Ka pokea pea ngā rori i te taraiwa, ā, ka tōmuri te tae atu o ngā ratonga ohotata me te hunga me taraiwa ki tētahi wāhi haumaru. Me whakaaro mō te tikanga whakatahi pai rawa mōu.

Me whakangungu ka tuari i tō mahere whakatahi

He mea nui te waihanga i te mahere whakatahi pai rawa mōu. He pai ake te whiwhi mahere takarepa i te kore mahere. Mēnā kei te hiahia awhina koe ki te whakatahi, me tuhi ngā tohutohu kia mōhio ai ngā ratonga ohotata mēnā kei te whakatahi rātou i a koe.

Me arotake haere kia mōhio ai koe he aha ka taea, kāore rānei. Me whakamōhio atu ki te tangata mō tō mahere whakatahi. Otirā mēnā kei te whakawhirinaki atu koe ki a rātou.

Kei wareware koe i ō kararehe

Mēnā ka mate koe ki te wehe i te kāinga, me heri e koe ō kararehe āwhina me ō mōkai i tō taha. Ki te kore e haumaru ana ki a koe, kāore i te haumaru ki a rātou. Whakaritea ka whakaaetia ō mōkai e tō wāhi whakatahi. Me whai taipitopito whakapā rānei mō ngā whare tiaki kurī, ngeru rānei, ngā mōtēra e pai ana ki ngā mōkai hoki.