Kāore he hiko

Ka aha koe ki te kore te hiko mō ngā tini rā? Ka pēhea tō kite, tō tunu kai, tō noho mahana?

Ka pā pea ngā wetonga hiko ki ngā mīhini EFTPOS, ATM hoki, nō reira pupuritia ētahi moni ki te kāinga, ngā rawa e rawaka ana mō te toru rā, neke atu rānei.

Me whai rama

Ehara i te mea me noho tō rawa ohotata ki tētahi kete, engari me rapu pea koe i ērā i te pōuri. Whakaritea kua mōhio te katoa kei hea ngā rama, ngā pāteri hoki.

Whiriwhiria ngā rawa ka hiahiatia

Noho mōhio tonu

Me whai reo irirangi ka whakahikongia e te hiko kōmaru, e te pāteri rānei kia hou tonu tō mōhio ki ngā rongo kōrero hou, ki ngā matohi hou. Me mōhio ko ēhea ngā teihana reo irirangi me rongo kia whai mōhiohio hei te wā o te ohotata.

Akohia me pēhea e whai mōhiohio

Whakaputuhia ngā kai

Me whai putunga kai me kaua e tunu (he pai ngā kai kēne), me whai mea rānei hei tunu i tō kai (he rorerore kapuni, he tō hopuni rānei). Kaua e wareware i te kai mā ngā pēpi, mā ngā mōkai.

Pouaka makariri i te tuatahi

Ki te weto te hiko, kaingia tuatahitia ngā kai mai i tō pouaka makariri, kātahi i tō pouaka tio. Kātahi ka kaingia ngā kai kei te kāpata, kei tō kete ohotata rānei.

Me whakarite i ō hiahia hauora

Mēnā e whakawhirinaki ana koe ki te hiko mō ngā take hauora, me whakapā atu ki tō kamupene hiko ka rēhita hei kiritaki whirinaki mō te hauora. E kore e whakaūtia tō ratonga hiko i tētahi ohotata. Ka taea e koe tō kamupene hiko koe te āwhina ki te whakatakoto i tētahi mahere urupare ohotata kia mōhio ai koe me aha ki te weto tō hiko.

Me pātai ki ō kaiwhakarato utauta oranga me pēhea te whiwhi tautoko mai i a rātou i tētahi ohotata.

Kōrero ki ō kiritata

Kōrero ki ō kiritata mō tā rātou mahi mēnā ka weto te hiko. Ka whai mōhio pea koe kei a rātou tētahi rorerore kapuni, ā, kei a koe pea te kai, te wai rawaka kia tuari (te tauaro rānei).