Kāore he wai
Pohewatia te kore wai mō te toru rā, neke atu rānei. Ka pēhea tō horoi tinana, tō tunu kai, tō horoi anō hoki? Ka inu koe i te aha?
Ka pāngia pea ngā ratonga wai hei te ohotata. Me whai putunga wai mō te toru rā, neke atu rānei.
Te whakapounamu wai
Pupuritia ō pounamu wai, inu mirumiru kua pōaha, ā, horoia, whakakīia ki te wai. Kia toru rita wai mō ia tangata, mō ia rā e korekore ana te wai. Kaua e whakamahi i ngā pounamu miraka. He uaua te horoi, ā, ka māuiui pea koe. Kaua e wareware ki te whakaputu i te wai mō ngā pēpi, mō ngā mōkai.
Putunga wai wā roa
Atu ki te ono marama te roa e noho pai ai te wai ka whakaputua mēnā ka tāpirihia e koe te whakatoki kakara-kore. Whakamahia te haurua tīpune mō ia tekau rita wai, ā, kaua e inumia mō te haurua hāora i te itinga iho ā muri i te whakaranu. Tuhi tapanga ki ia pounamu me te rā i whakakīia. Whakaputua ki tētahi wāhi kōangiangi, pōuri hoki.
Kia kai, kia mā
Kia maumahara ki te whakaputu wai mō te tunu kai, mō te horoi hoki. Ka taea te whakamahi i te wai ki tō puoto wai wera, engari whakaputuhia ētahi atu wai ki ngā ipu kirihou rahi.
Whakamātaotia
Ka taea hoki te whakakī ipu aihikirīmi kirihou ki te wai, me te pupuri i ērā ki te pouaka tio. Ka āwhina pea ēnei kia mātao tonu te kai ki te weto te hiko, ā, ka whakamahia hoki hei inu.
Matapakitia ngā pānga
He mea āwhina kia puta atu koutou te mārama ki ngā pānga o te ohotata. Matapakitia ki ngā tāngata ki tō kāinga, ā, whakaritea ka aha koutou ki ēnei āhuatanga.
