Kāore he waea, ipurangi rānei

Ka aha koe ki te pakaru ngā waea ā-waea, ā-ipurangi rānei? Ka pēhea tō noho hono tonu, tō whakarite kia hui ngātahi, tō whai mōhio tonu ki ngā rongo kōrero, ki ngā matohi huarere?

Hei te nuinga o ngā ohotata, ko te tino painga ko te noho tonu ki tōu ake kāinga. Tohua tō kāinga hei tō wāhi hui, ā, me whai wāhi kē kei kore e taea te tae atu ki reira.

Me whakarite he wāhi huihui

Me kōrero ki ngā tāngata katoa me pēhea te whakapā haere tētahi ki tētahi, ā, ki hea tūtaki ai i tētahi ohotata.

Mēnā he tamariki āu

Whakaritea kua mōhio koe ki ngā mahere ohotata a tō kura, a tō pokapū kōhungahunga rānei. Tukuna ki a rātou ngā ingoa o ngā tāngata e toru e whakaaetia ana te tiki i ngā tamariki ki te kore koe e āhei ana te tae atu ki reira.

Noho mōhio tonu

Me whai i tētahi reo irirangi ka whakahikongia e te hiko kōmaru, e te pāteri rānei kia hou tonu tō mōhio ki ngā rongo kōrero hou, ki ngā matohi hou. Me mōhio ko ēhea ngā teihana reo irirangi me rongo kia whai mōhiohio hei te wā o te ohotata.

Akohia me pēhea e noho hou tonu ai ō mōhiohio

Me tuhi i ngā tau waea

Me tuhi ngā tau waea hira ka taea e koe ki te kore te ipurangi, kāore rānei e taea te whakamahi tō waea.

Te pātuhi, te karere rānei

Hei te ohotata, ka tere kūkātia pea ngā waea ā-waea. Kia wātea tonu ērā kia taea te whakamahi i ngā waeatanga ohotata, ā, mēnā ka taea, whakamahia te pātuhi, te karere ā-tuihono rānei kia hono tonu.